KAHADLUKAN : Ang Matanda sa Bintana

Matagal ko nang iniisip ang pagsulat ng mga storya na hango sa totoong buhay. Isang storya ng kababalaghan. Alam ko na marami sa inyo ang hindi na naniniwala sa mga kwentong ito, ngunit kahit di kayo maniwala, may mga bagay talaga dito sa ating mundo na mahirap paniwalaan. Isang mundo na nababalot ng misteryo at mundo na akala natin ay napaglipasan na ng panahon. 

Ang series na ito ay pinamagatan kong "KAHADLUKAN" hango sa salitang bisaya na ang ibig sabihin ay nakakatakot at ang unang kwento na ibabahagi ko sa inyo ay kwento ng isang kaibigan mula sa Mindanao. 

*******************************

Ang Matanda sa Bintana

Ako si Jerry taga Brgy. Humilog RTR Agusan del Norte. Nasa tatlumpong taong gulang na ako at may dalawang anak. Napakatagal na panahon na ngunit di ko pa rin malimutan ang aking karanasan sa bahay ng aking mga magulang. 

Taong 1995, katorse anyos palang ako noon at nag aaral sa isang public school sa Cabadbaran. Madalang akong umuwi sa amin gawa ng daming activities at project sa school kaya nangupahan nalang ako sa isang boarding house. Isang araw ng sabado umuwi ako sa amin, syempre may sarili akong kwarto sa bahay namin at doon ako natulog. Ang bahay namin ay may dalawang palapag, gawa ito sa semento at matitigas na kahoy. Hindi pa ito tapos kung kayat walang jelousy ang mga bintana. Tanging kurtina lamang ang nakatakip sa bintana ng aking kwarto na nakaharap sa aking higaan. Di ako naniniwala sa mga multo at mga maligno kaya di ako natatakot na mag isa kahit pa laging sinasabi sa akin ng aking ate na nakakakita daw siya ng mga kaluluwa sa aming bahay. May third eye daw kasi siya. Hindi ko siya pinaniwalaan hanggang sa ako na mismo ang naka saksi ng isang kakila-kilabot na pangitain. Natutulog ako noon sa aking kwarto ng bigla akong magising kasi naiihi ako. Binuksan ko ang ilaw at halos mamatay ako sa takot ng may nakita akong matandang babae na nakapatong sa aking bintana. Ang isa niyang kamay ay nakahawak sa gilid ng bintana habang ang isa pa niyang kamay ay hinawi ang kurtina na akmang papasok talaga siya sa aking kwarto. Kulubot ang kaniyang mukha, nanlilisik ang kaniyang mga mata at napakahaba ng kanyang puting buhok. Di ako nakagalaw at di rin ako nakapagsalita. Nagtitigan kami ng matanda at ang aking pawis ay sinlaki ng butil ng bigas. Nanlamig at nanglambot ang buo kong katawan. Namalayan ko na lamang na may kumakanta sa may pintuan ng aming bahay "Amazing Grace, how great thou art.. that saved a wreched like me.." serenade pala kasi birthday nanay ko. Nang marinig ko ang kanta ay bigla kong natagpuan ang aking boses at sumigaw ako ng malakas. Magkatabi lang ang kwarto namin ng nanay at tatay ko kaya agad nila akong pinuntahan sa aking kwarto. Ngunit wala na ang matanda sa bintana. Ikenwento ko sa kanila ang aking nakita ngunit walang naniwala sa akin at sabi nila ay naalimpungatan lang daw ako sa aking pagtulog at guni-guni ko lang iyon. Ngunit alam kong totoo ang aking nakita. Hindi ko alam kung multo o aswang ang matanda basta alam ko kung ano ang totoo sa hindi. Tanging ang ate ko lamang ang naniniwala sa akin. 

Nang yumao ang aking tatay. Nilisan na namin ang bahay na iyon at pinagbili namin sa kaibigan ng nanay ko. Nagtayo kami ng munting bahay sa parehong baryo. Sa ngayon tuwing mapapadaan ako sa aming lumang bahay, kinikilabutan pa rin ako.

**********************

Note: Kung gusto po ninyong mag share ng inyong kwento, maari po lamang na mag email sa akin sa address na ito: king_sky92@yahoo.com

Pwede po kayong mag attach ng pictures o video. Maraming salamat po....

Read more...

Chapter 13 to 15 : Si Utol at Ang Chatmate Ko

By: Mikejuha

email: getmybox@hotmail.com

fb: getmybox@yahoo.com

Note: Thank you Mike for sharing your stories in LOL. 

Add michaelshadesofblue as your friend in facebook, friendster, and twitter: juha.michael@gmail.com

********************************************************************

Vin Cri AKA ENZO

Mistulang nasa suspended animation ang aking isip. Naalimpungatan ko na lang na itinulak ko si Zach at akmang lalabas ng banyo upang lapitan si kuya. Subalit noong lapitan ko na sana siya bigla ding tumalikod ito at dali-daling umalis.

Tumakbo ako hanggang sa may pintuan ng banyo. “Kuyaaaaaa!” sigaw ko. 

Ngunit tuloy-tuloy lang si kuya palabas at hindi man lang lumingon.

Bigla akong nanlalanta. Nahuli niya kami ni Zach sa akto. At ang nangingibabaw sa akin ay ibayong kaba sa galit na nakita ko sa mga mata ni kuya. 

Tiningnan ko si Zach na itinuloy ang pagsa-shower, parang wala lang nangyari. Noong makita niyang nakatingin ako sa kanya, nagsalita, “Halika na! Ituloy natin…” 

Parang bigla riin akong nawalan ng gana sa nakitang reaksyon niya na parang wala lang hindi man lang naisip kung nasaktan ba ako o nagalit ba ang kuya ko sa akin, bagamat naisip ko ring normal lang marahil ang reaksyon niyang iyon dahil dapat lang naman talaga na magalit ang kuya ko. Ngunit sa kabilang banda naisip ko rin na dapat din sana niyang respetuhn ang galit ni kuya at hindi na niya sasabihin pa sa akin na ituloy panamin ang naunsyaming romansa dahil kung tutuusin, siya din ang dahilan kung bakit nangyari ang ganoon at nahuli tuloy kami. Parang ano ba to? Sinadya ba niya iyon upang pagselosin si kuya na siyang tunay niya talagang type? Wala bang halaga sa kanya ang naramdaman ko? Ang naramdaman namin ni kuya?

Hindi ako sumagot sa sinabi niyang iyon bagkus nanatili akong nakaupo lang at nagyuyukyok sa gilid ng pintuan, hindi malaman kung babalik pa ba sa shower o tuluyang hahabulin na si kuya.

Ngunit lumapit sa akin si Zach. At bagamat hubo’t-hubad pa ito, hindi naiilang na ipangalandrakan pa sa mukha ko ang tayong-tayong pagkalalaki niya at inabot ang aking kamay upang patayuin ako. “Tol... huwag mong masyadong isipin iyon. Natural lang na magalit ang kuya mo. Halika na, sabay na tayong maligo.” 

At ewan ko rin ba. Sa pagkakaita ko sa kanyang nakakaengganyong mukha at napaka-sweet na pananalita at sinabayan pa ng isang nakabibighaning ngiti na ang mga mata ay nanunukso, bigla na lang akong tumalima sa kanyang paghatak sa aking kamay at tumayo na rin, tuluyang nabura lahat sa isip si kuya. 

Read more...

Chapter 3: Catch Me, Irwin

by JoshX

THERE WAS A NAKED MAN ON THE FISHING DECK.

He was lying on his side facing RJ, his left foot slightly forward, the knee touching the fiberglass deck floor hiding his maleness.

Napakusot ng mata si RJ sa pag-aakalang namamalikmata lang siya pero naroon pa rin ang lalaki. "Sino siya Anton? Saan siya galing?"

Napailing din si Anton. "Hindi ko po alam Sir. Kanina wala pa iyan diyan, pumasok lang ako saglit sa loob tapos nakarinig ako ng ka-blag, paglabas ko nakita ko na siya diyan."

Nilapitan niya ang nakahigang lalaki, kasunod naman niya si Anton. Nagtataka siya kung saan nga ba ito galing.

Hulog kaya ito ng langit? Natawa siya sa naisip, paano naman kasi'y head turner ang hitsura ng lalaki. May kahabaan ang buhok na sa tingin ni RJ ay hanggang balikat. Nangingintab sa kaitiman at bahagyang umaaalon mula sa anit pababa. Napansin niya na mas mahaba ang buhok nito sa likod.

Sa tantiya niya'y mas matanda siguro sa kaniya ng isa o dalawang taon ang lalaki. Malaki ang katawan nito, defined ang mga kurba ng mga muscles sa chest area pati na ang six-pack abs na walang katab-taba.

At an instant, parang naisip ni RJ na parang character ito sa isang animated movie. Paano kasi ay malapad ang mga balikat nito at naging tapered pababa sa beywang. Para tuloy siyang nakakita ng inverted triangle sa hubog ng upper torso nito. Moreno ang kulay ng balat at nakislap ang mga butil ng tubig dagat sa kaniyang buong katawan sa pagtama ng sinag ng araw. Mula naman sa waist ay ang maskulado ding mga hita at proportioned na mga binti.

Napatingin si RJ sa maamong mukha ng lalaki. Kung ganito ba kagwapo ang mamimeet niya malamang tuluyan muna niyang kakalimutan ang pangako sa sarili na titigil muna sa paghahanap ng makakarelasyon.

Hindi niya mapigilang tingnan ang matangos na ilong at may kakapalang mga kilay, naitanong niya sa sarili kung anong hitsura kaya ng mga mata nito sa nakapikit na talukap at may kahabaang pilik-mata? Masarap kayang halikan ang mga maninipis nitong mga labi na simpula ng makopa?

Read more...